23.09.24 - 20:04
Brynjar Ingi Erluson
Ian Wright sakar Haaland um heigulshátt
Mynd: Getty Images
Mynd: Getty Images
Spekingurinn og fyrrum fótboltamaðurinn Ian Wright segist afar ósáttur við hegðun norska framherjans Erling Braut Haaland gagnvart Gabriel Magalhaes í leik Manchester City og Arsenal í gær.
Leikurinn var hitamikill og alveg frá fyrstu mínútu eftir að Kai Havertz axlaði Rodri í grasið.
Leandro Trossard fékk að líta rauða spjaldið áður en hálfleikurinn var úti, þá í stöðunni 2-1 fyrir gestunum, en undir lok síðari skoraði John Stones jöfnunarmark.
Í fögnuðinum hljóp Haaland inn í markið, sótti boltann og kastaði honum í hnakkann á Gabriel. Wright, sem lék með Arsenal hér árum áður, fannst þessi hegðun Haaland honum til skammar.
„Það sem gerði mig brjálaðan var þessi heigulsháttur hjá Haaland. Að kasta boltanum í hausinn á Gabriel, þegar hann er ekki að horfa. Það er alvöru heigulsháttur. Gabi myndi horfa í augu hans.“
„Ég horfi á þetta þannig að þetta er ótrúlega góður varnarmaður gegn ótrúlega góðum framherja, og þeir verða það til næstu ára. Ég elska að horfa á þá báða spila, en síðan gerir þú eitthvað huglaust eins og í þessu atviki?“
„Það er það sem pirraði mig mest í þessu. Bróðir, ég hélt að þú (Haaland), værir stærri en þetta,“ sagði Wright á Instagram.
Leandro Trossard fékk að líta rauða spjaldið áður en hálfleikurinn var úti, þá í stöðunni 2-1 fyrir gestunum, en undir lok síðari skoraði John Stones jöfnunarmark.
Í fögnuðinum hljóp Haaland inn í markið, sótti boltann og kastaði honum í hnakkann á Gabriel. Wright, sem lék með Arsenal hér árum áður, fannst þessi hegðun Haaland honum til skammar.
„Það sem gerði mig brjálaðan var þessi heigulsháttur hjá Haaland. Að kasta boltanum í hausinn á Gabriel, þegar hann er ekki að horfa. Það er alvöru heigulsháttur. Gabi myndi horfa í augu hans.“
„Ég horfi á þetta þannig að þetta er ótrúlega góður varnarmaður gegn ótrúlega góðum framherja, og þeir verða það til næstu ára. Ég elska að horfa á þá báða spila, en síðan gerir þú eitthvað huglaust eins og í þessu atviki?“
„Það er það sem pirraði mig mest í þessu. Bróðir, ég hélt að þú (Haaland), værir stærri en þetta,“ sagði Wright á Instagram.
