FH vann 2-1 sigur gegn Fylki í Pepsi-deildinni í kvöld eftir að hafa verið undir í hálfleik. Björn Daníel Sverrisson skoraði sigurmarkið í leiknum.
Lestu um leikinn: FH 2 - 1 Fylkir
„Mér fannst við ekki góðir í fyrri hálfleik en spiluðum vel í seinni hálfleik og létum boltann ganga. Þegar við náum upp okkar spili þá fylgja því mörk," sagði Björn eftir leikinn.
Eftir síðasta leik vöktu ummæli Heimis Guðjónssonar mikla athygli en þar sagðist hann ekki hafa náð til leikmannahópsins. Hvernig brást leikmannahópurinn við þessum ummælum?
„Þetta var lítið rætt innan hópsins. Við værum helvíti vitlausir ef við myndum hætta að hlusta á Heimi þegar hann er búinn að skila inn fimm Íslandsmeistaratitlum og bikarmeistaratitli."
Björn Daníel er að skora nóg af skallamörkum þessa dagana.
„Ég veit ekki hvað er í gangi. Ég hef ekki verið sterkur í hornspyrnum en er greinilega orðinn svona hrikalega öflugur í teignum," sagði Björn Daníel en viðtalið má sjá í heild sinni í sjónvarpinu hér að ofan.
Athugasemdir
