Kári spilar í Víkingslitunum með Gençlerbirliği!
Miðvörðurinn Kári Árnason hefur gert eins árs samning við Gençlerbirliği í Ankara sem leikur í tyrknesku B-deildinni.
Liðið féll úr efstu deild á síðasta tímabili.
Liðið féll úr efstu deild á síðasta tímabili.
Kári var búinn að skipta yfir í uppeldisfélag sitt, Víking Reykjavík, eftir langa veru í atvinnumennsku en spilaði ekki leik fyrir liðið.
„Ég hef áfram samband við Víkinga og ætla mér að spila með þeim næsta sumar," sagði Kári við Morgunblaðið í vikunni.
Kári er 35 ára miðvörður sem ekki þarf að kynna fyrir íslenskum fótboltaáhugamönnum enda verið lykilmaður á blómaskeiði landsliðsins. Hann hefur leikið 69 landsleiki og skorað fimm mörk.
Athugasemdir
