Ívar Örn Jónsson bakvörður HK-inga og maður leiksins í Kópavogsslagnum var gríðarlega sáttur eftir frábæran sigur HK gegn Breiðablik í kvöld en leikar enduðu með 1-0 sigri HK í 8. umferð Pepsi-Max deildar karla.

"Við vorum bara þéttir og fastir fyrir í dag og það skóp sigurinn og hann er ógeðslega sætur, það er ógeðslega gaman að vinna Breiðablik þegar maður er í HK, kærkominn sigur eins og þú segir vorum ekki búnir að vinna í langan tíma en við tökum þessi þrjú stig og fögnum þeim rækilega" Sagði Ívar peppaður eftir þennan frábæra sigur.

Ívar er uppalinn HK-ingur en hefur verið að spila með Víking Reykjavík og Val seinustu ár, hvernig var það að koma til baka í HK og vinna svo nágranna sína í Breiðablik?

"Frábært, geðveikt, ég bara veit ekki alveg hvernig ég á að lýsa þessu í rauninni ég hefði bara ekki getað skrifað þetta betur"

Lestu um leikinn: HK 1 -  0 Breiðablik

Gekk leikskipulag HK-inga fullkomlega upp að mati Ívars?

"Já ég myndi segja það, við gerðum svolítið ráð fyrir því að þeir myndu vera meira með boltann sem var raunin og við vorum bara þokkalega þéttir, þeir lágu svolítið á okkur í lokin kannski og við hefðum kannski viljað ýta línunni upp en annars gekk þetta bara vel, við héldum hreinu og erum bara mjög ánægðir með þetta"

Viðtalið má sjá í heild sinni hér fyrir ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit