Gera lokatilraun til að lokka Bruno Fernandes - Höjlund til Napoli - Rodgers aftur í úrvalsdeildina?
   sun 24. ágúst 2025 22:00
Jóhann Þór Hólmgrímsson
Jesus byrjaður að æfa eftir sjö mánaða fjarveru
Mynd: EPA
Gabriel Jesus, framherji Arsenal, er byrjaður að æfa á ný eftir langa fjarveru.

Hann hefur verið fjarverandi síðan í janúar eftir að hann sleit krossband í leik gegn Man Utd í enska bikarnum.

Jesus deildi myndbandi af sér á æfingasvæði Arsenal í dag.

„Þetta hafa verið sjö sársaukafullir mánuðir, óvissa og kvíði. Mér líður loksins vel í dag, eins og barni að spila fótbolta aftur," skrifaði Jesus við myndbandið.

Þetta eru gleðitíðindi fyrir Arsenal en Kai Havertz er á meiðslalistanum og þá er óvissa í kringum Martin Ödegaard og Bukayo Saka sem meiddust í 5-0 sigri gegn Leeds í gær en talið er að meiðsli þeirra tveggja séu ekki alvarleg.

Athugasemdir