Fylkir 2 - 1 ÍBV
1-0 Mathias Laursen Christensen ('44 )
2-0 Ásgeir Eyþórsson ('47 )
2-1 Alex Freyr Hilmarsson ('83 )
Rautt spjald: Tómas Bent Magnússon , ÍBV ('36) Lestu um leikinn
1-0 Mathias Laursen Christensen ('44 )
2-0 Ásgeir Eyþórsson ('47 )
2-1 Alex Freyr Hilmarsson ('83 )
Rautt spjald: Tómas Bent Magnússon , ÍBV ('36) Lestu um leikinn
Fylkir tryggði sér sæti i 16-iða úrslitum Mjólkurbikars karla með því að leggja ÍBV að velli, 2-1. Eyjamenn léku manni færri síðasta klukkutímann eftir að Tómas Bent Magnússon fékk að líta rauða spjaldið.
Það var hart barist í fyrri hálfleiknum og urðu Eyjamenn fyrir mikilli blóðtöku er Tómasi var vísað af velli á 36. mínútu eftir að hann fór í harkalega tæklingu á Nikulási Val Gunnarssyni. Þetta var hans annað gula spjald og þar með rautt.
Átta mínútum síðar skoruðu Fylkismenn fyrsta markið. Mathias Christensen gerði það og á gríðarlega mikilvægum tímapunkti, rétt fyrir hálfleik. Hann hirti frákast eftir hornspyrnu og kom Fylkismönnum yfir.
Ásgeir Eyþórsson tvöfaldaði forystuna í byrjun síðari hálfleiks og aftur var það eftir hornspyrnu. Hann skallaði hornspyrnu Daða Ólafssonar í slá og inn.
Andri Rúnar Bjarnason taldi sig hafa komið Eyjamönnum aftur inn í leikinn nokkrum mínútum síðar er hann skoraði en markið var dæmt af vegna rangstöðu.
Eyjamenn náðu inn marki á endanum og kom það á 83. mínútu en Alex Freyr Hilmarsson skoraði eftir hornspyrnu. Liðin skiptust á færum eftir það en fleiri urðu mörkin ekki og lokatölur 2-1 fyrir Fylki sem fer í 16-liða úrslitin.
Athugasemdir