Framherjinn Viðar Örn Kjartansson mun væntanlega semja við nýtt félag á næstu dögum en hann losnaði undan samningi hjá Yeni Malatyaspor í Tyrklandi á dögunum.
„Hann er að skoða tilboð frá 2-3 liðum og þetta gæti skýrst í dag," sagði Ólafur Garðarsson, umboðsmaður Viðars, í samtali við Fótbolta.net í dag.
Að sögn Ólafs eru tilboðin bæði á Norðurlöndunum og víðar.
Hinn þrítugi Viðar hefur meðal annars verið orðaður við sitt gamla félag Valerenga í Noregi en hann varð markakóngur í norsku úrvalsdeildinni þar árið 2014.
Þá hefur einnig heyrst af áhuga frá félögum í Svíþjóð og Danmörku.
Athugasemdir
