Kjartan Henry var á skotskónum í dag
„Mikilvægt að vinna. Við vissum að þetta yrði erfitt og aðstæðurnar þannig að Skagamenn þekkja vindinn vel. Mér fannst við vera betri aðilinn allan leikinn. Hefðum viljað skora fleiri í fyrri hálfleik en sigldum þessu heim í seinni hálfleik og nokkuð solid.“
Sagði Kjartan Henry Finnbogason leikmaður KR eftir 2-0 sigur KR á ÍA á Akranesi fyrr í kvöld þar sem Kjartan skoraði fyrra mark KR og átti stóran þátt í öðru markinu sömuleiðis.
Sagði Kjartan Henry Finnbogason leikmaður KR eftir 2-0 sigur KR á ÍA á Akranesi fyrr í kvöld þar sem Kjartan skoraði fyrra mark KR og átti stóran þátt í öðru markinu sömuleiðis.
Lestu um leikinn: ÍA 0 - 2 KR
Kjartan skoraði eins og áður segir fyrra mark KR í leiknum en einhverjir kölluðu þó eftir þvi að Kjartan yrði dæmdur brotlegur fyrir bakhrindingu í aðdraganda marksins.
„Væntanlega Skagamenn ósáttir við að fá á sig mark og maður skilur það það er allt á móti þeim og þeir duglegir að láta okkur vita af því en svona er þetta stundum. Ég var bara að ná mér í stöðu og komast framfyrir hann og markið stóð það er það sem skiptir máli. “
KR liðið hefur verið undanfarna daga í sóttkví eftir að smit kom upp í leikmannahópi liðsins. Liðið hefur því lítið getað æft fyrir leikinn. Um þetta sagði Kjartan.
Við náðum að æfa tvisvar og þetta er ekkert. Við erum í toppformi og toppstandi og héldum okkur allir í góðu standi sýndist mér í dag og fannst við keyra yfir þá. En við vorum búnir að ræða það fyrir leikinn að líta á þetta sem neina afsökun. Það hefði verið auðvelt að koma hérna eins og aumingjar og láta vaða yfir sig og nota síðan einhverja sóttkvíarafsökun. En við gerðum okkar í dag það var nóg og svo verðum við bara að vera klárir á sunndaginn. “
Sagði Kjartan en allt viðtalið má sjá hér að ofan.
Athugasemdir
