2. deild kvenna: Elín Björg með fjögur er Haukar völtuðu yfir Einherja

Elín Björg Norðfjörð Símonardóttir fór mikinn í sóknarlínu Hauka með fjögur mörk.

Hún, Glódís María Gunnarsdóttir og Anna Rut Ingadóttir skoruðu mörk Hauka í fyrri hálfleiknum, en í þeim síðari gerði Elín Björg þrjú og Maria Abad Sangra eitt.

Elín Björg er komin með 23 mörk í deildinni í sumar og er langmarkahæst, átta mörkum á undan Kristu Eik Harðardóttur sem er með 15 mörk fyrir Völsung.

Haukar eru á toppnum í A-úrslitum með 38 stig, tveimur meira en KR þegar fimm leikir eru eftir.

Sindri lagði þá Augnablik að velli, 3-1, í B-úrslitum. Íris Ösp Gunnarsdóttir skoraði tvö fyrir Sindra sem er í botnsæti B-riðils með 14 stig. Augnablik er í næst neðsta sæti riðilsins með 16 stig.

A-úrslit:

Haukar 7 - 0 Einherji
1-0 Elín Björg Norðfjörð Símonardóttir ('13 )
2-0 Glódís María Gunnarsdóttir ('21 )
3-0 Anna Rut Ingadóttir ('34 )
4-0 Elín Björg Norðfjörð Símonardóttir ('62 )
5-0 Elín Björg Norðfjörð Símonardóttir ('64 )
6-0 Maria Abad Sangra ('66 )
7-0 Elín Björg Norðfjörð Símonardóttir ('90 )

B-úrslit:

Sindri 3 - 1 Augnablik
0-1 Elísabet Bogey Gapunay ('20 )
1-1 Íris Ösp Gunnarsdóttir ('21 )
2-1 Íris Ösp Gunnarsdóttir ('54 )
3-1 Katie Teresa Cox ('86 )