Ítalía: Fyrsti sigur Conte - Roma tapaði á heimavelli

Bakvörðurinn Giovanni Di Lorenzo kom Napoli í forystu undir lok fyrri hálfleiks.

Á síðustu fimmtán mínútum leiksins bættu Khvicha Kvaratskhelia og Giovanni Simeone við tveimur mörkum til að gulltryggja sigurinn. Fyrsti sigur Antonio Conte með Napoli, en hann tók við liðinu í sumar.

Fiorentina og Venezia gerðu markalaust jafntefli. Mikael Egill Ellertsson var í byrjunarliði Venezia og einn af bestu mönnum liðsins, en Bjarki Steinn Bjarkason var fjarri góðu gamni vegna meiðsla.

Sömu sögu er að segja af Alberti Guðmundssyni en hann er að glíma við smávægileg meiðsli. Hann gekk í raðir Fiorentina frá Genoa á dögunum.

Roma tapaði óvænt fyrir Empoli, 2-1, á heimavelli sínum. Rómverjar lentu tveimur mörkum undir áður en Eldor Shomurodov minnkaði muninn tíu mínútum fyrir lok venjulegs leiktíma.

Torino vann þá Atalanta, 2-1, í Tórínó. Mario Pasalic, leikmaður Atalanta, fékk tækifæri til að jafna leikinn í uppbótartímna, en klikkaði á vítapunktinum.

Úrslit og markaskorarar:

Fiorentina 0 - 0 Venezia

Napoli 3 - 0 Bologna
1-0 Giovanni Di Lorenzo ('45 )
2-0 Khvicha Kvaratskhelia ('75 )
3-0 Giovanni Simeone ('90 )

Roma 1 - 2 Empoli
0-1 Emmanuel Gyasi ('45 )
0-2 Lorenzo Colombo ('61 , víti)
1-2 Eldor Shomurodov ('80 )

Torino 2 - 1 Atalanta
0-1 Mateo Retegui ('26 )
1-1 Ivan Ilic ('31 )
2-1 Che Adams ('49 )
2-1 Mario Pasalic ('90 , Misnotað víti)