Leikmenn Leeds hjálpa félaginu sínu - Taka á sig launalækkanir

Leikmenn, þjálfaralið og fólk í framkvæmdastjórn Leeds United hafa samþykkt að taka á sig launalækkanir.

Þetta er til að aðstoða félagið í þeim fjárhagsörðugleikum sem eru framundan vegna kórónaveirufaraldursins.

Leeds er á toppi Championship-deildarinnar en félagið segir að þessar aðgerðir geri það að verkum að hægt sé að borga öllum starfsmönnum áfram.