Shearer og Henry fyrstir í fræðgarhöllina

Alan Shearer og Thierry Henry hafa verið valdir í frægðarhöll ensku úrvalsdeildarinnar, fyrstir allra.

Shearer er markahæstur í sögu ensku úrvalsdeildarinnar en hann skoraði 260 mörk með Blackburn og Newcastle á ferli sínum.

Henry skoraði 175 mörk í 258 leikjum í úrvalsdeildinni með Arsenal og varð fjórum sinnum markakóngur deildarinnar.

Henry varð enskur meistari tvívegis og var í liðinu sem fór taplaust í gegnum úrvalsdeildina 2003/2004.