Búið er að draga í 16-liða úrslit Mjólkurbikars karla og eru afar áhugaverðar viðureignir framundan þar sem öll Pepsi Max-deildarliðin eru enn í keppninni ásamt fjórum liðum úr Lengjudeildinni.
Það verður enginn Lengjudeildarslagur og því verða fjórir Pepsi Max-deildarslagir.
Víkingur R. og Stjarnan eigast við í Víkinni en þar eru á ferð bikarmeistarar síðustu tveggja ára.
Breiðablik og Grótta eigast við í áhugaverðri viðureign og þá er einnig að finna heimaleiki KR og Vals gegn Fjölni og ÍA.
Lengjudeildarlið Fram á heimaleik gegn Fylki. Afturelding heimsækir HK og þá kíkir Þór í Hafnarfjörðinn. Gary Martin og félagar í ÍBV heimsækja KA á Akureyri.
Leikirnir fara fram 30. og 31. júlí.
16-liða úrslit:
Fram - Fylkir
HK - Afturelding
FH - Þór
Breiðablik - Grótta
KA - ÍBV
Víkingur R. - Stjarnan
KR - Fjölnir
Valur - ÍA
Athugasemdir