Lærisveinar Guðjóns Þórðarsonar í Víkingi Ólafsvík svöruðu skelli gegn Leikni Reykjavík í síðustu umferð Lengjudeildarinnar með 3-0 sigri gegn Leikni Fáskrúðsfirði á heimavelli.
Lestu um leikinn: Víkingur Ó. 3 - 0 Leiknir F.
Gaui Þórðar var glaðari í dag en í síðustu viku þegar hann mætti í viðtal eftir leik.
„Það voru góðar æfingar og gott spjall við leikmenn. Þetta var góður leikur og ég er mjög ánægður með frammistöðuna," sagði Guðjón.
„Harley hefði getað skorað nokkur mörk. Hann á tvö stangarskot og er 2-3 nálægt því að skora. Gonzi hefði getað gert meira. Það hefði ekki verið mikið ef við hefðum gert 3-4 mörk í viðbót. Þetta var góð heildarframmistaða, en það eru 2-3 atriði sem við þurfum að bæta og laga. Það er ekkert svo gott að það megi ekki laga það."
„Ég held að þetta sé frammistaða sem hægt er að byggja á," sagði reynsluboltinn.
Viðtalið er í heild sinni hér að ofan.
Athugasemdir