Belgíski landsliðsmaðurinn Jason Denayer rann út á samningi hjá Lyon í sumar eftir að hafa verið byrjunarliðsmaður í þrjú og hálft ár hjá franska félaginu.
Denayer, 27 ára gamall, var valinn í belgíska landsliðshópinn á dögunum þrátt fyrir að vera ekki búinn að finna sér nýtt félag.
Nú virðist varnarmaðurinn öflugi vera búinn að finna sér áfangastað - Shabab Al-Ahli í Sameinuðu arabísku Furstadæmunum.
Shabab Al-Ahli endaði í fimmta sæti á síðustu leiktíð og er komið með sex stig eftir þrjár umferðir á nýju tímabili.
Denayer er á leið í flug til Dúbaí þar sem hann mun gangast undir læknisskoðun og skrifa undir samning.
Wolves, Fulham og Newcastle eru meðal félaga sem voru orðuð við Denayer í sumar.
Athugasemdir