Cody Gakpo og Virgil van Dijk eru liðsfélagar hjá hollenska landsliðinu og bráðlega hjá Liverpool
Virgil van Dijk, leikmaður Liverpool, vissi klárlega eitthvað um það að Cody Gakpo væri á leið til félagsins frá PSV Eindhoven en hann gaf það tilkynna í viðtali eftir 3-1 sigurinn á Aston Villa.
Van Dijk skoraði annað mark Liverpool gegn Villa á Villa Park í kvöld en eftir leikinn ræddi hann við fjölmiðla
„Vonandi koma meiddu leikmennirnir sem fyrst og vonandi getum við boðið nýja leikmenn velkomna til félagsins, sjáum til. Ég held að gæði séu alltaf velkomin hér hjá Liverpool,“ sagði Van Dijk eftir leikinn gegn Aston Villa.
Tæpri klukkustund síðar birtu enskir miðlar fréttir þess efnis að viðræður Liverpool við PSV um Gakpo væru komnar langt á veg og PSV staðfesti síðan samkomulag við enska félagið stuttu síðar.
Gakpo, sem er 23 ára gamall, er einn eftirsóttasti sóknarmaður heims um þessar mundir en hann skoraði þrjú mörk fyrir Holland á HM í Katar.
Agent Van Dijk must have known Cody Gakpo was coming to Liverpool ???? pic.twitter.com/1ZE4oyFnU2
— ESPN FC (@ESPNFC) December 26, 2022
Athugasemdir
