Fótbolti.net

Halli eftir stórt tap: Vona að ég geti náð í menn ef þetta lagast ekki

Jóa fannst Grindvíkingar brotna - „Hann gerir bara svo mikið fyrir liðið"

Bergvin í gir eftir þrennu: Djöfull hlakka ég til að pakka Árna Guðna saman

Kristófer hat-trick hero: Okkar vantaði mörk og hann bað mig bara um að gera mitt

Gunnar Már: Rautt spjald, nýr markmaður og mark á okkur á sömu mínútu

Jökull: Kristófer algjörlega á deginum sinum og kláraði allt

Gústi Gylfa: Getum ekki byrjað leiki svona

Hemmi: Verður að opna töskuna og sjá hvað kemur upp

Ibrahima Balde: Fyrsta þrennan síðan ég var 16 ára gamall

Venni: Við erum með þá í lás

Haddi: Hefðum getað fengið á okkur fjögur mörk í fyrri hálfleik

Bjarni Jó: Við berjumst fyrir því að fá Jón Daða

Dóri Árna mjög léttur: Ekki gleyma Kidda Jóns

Túfa: Hann uppsker fyrir sína vinnu og þolinmæði

Cecilía: Þetta er ný regla og allir eru að læra hana

Karólína: Hún var svo reið inn á vellinum

Landsliðsþjálfarinn fékk mörg svör - „Þetta var það sem stóð til boða"

Siggi Höskulds: Ég held að Fjölnir hafi ekki fengið eitt einasta færi

Adam Ægir nýtti tækifærið í botn - „Ekki búið að vera auðvelt"

Fékk gjöfina sem hún vildi á stórafmælinu - „Er samt bara 25"

fös 27. júní 2025 23:44

Sæbjörn Þór Þórbergsson Steinke

Bergvin í gir eftir þrennu: Djöfull hlakka ég til að pakka Árna Guðna saman

Bergvin Fannar.

Mynd: Fótbolti.net - Hafliði Breiðfjörð

„Þetta gerist varla betra, hrikalega sáttur. Ég er búinn að vera hóta þessu í síðustu leikjum, búinn að vera óheppinn að skora ekki fleiri, en svo bara loksins kom það. Það hlaut að koma að þessu, mörk úr öllum áttum," sagði Bergvin Fannar Helgason, framherji ÍR, eftir öruggan sigur á Grindavík í kvöld.

Bergvin gerði sér lítið fyrir og setti þrennu í leiknum fyrir topplið deildarinnar.

Lestu um leikinn: ÍR 6 - 1 Grindavík

„Jafnvel besta frammistaðan á tímabilinu, vorum samt ekkert alltof góðir í fyrri hálfleik, en seinni hálfleikurinn er besta frammistaðan í sumar."

„Við komum vitlausir út í seinni hálfleikinn, setjum mark nokkuð snemma og síðan brotna þeir, við keyrum á þá. Við gefum þeim etit klaufalegt mark, hefðum getað gert betur þar, en annars bara hrikalega sáttur."

„Ég er glaður að hinir strákarnir náðu að skora. Víðir setti tvö, hrikalega sáttur við það og Emil, ég gaf honum eitt, ákvað að vera góður við hann. Frábært að þeir hafi skorað líka."

„Já, það er erfitt að stoppa okkur í föstum leikatriðum. Sjáðu líka hæðina í þessu liði, meðalhæðin er 1,95, það á enginn séns í okkur maður."

Næsti leikur er gegn Árna Guðnasyni og hans lærisveinum í Fylki. Árni þjálfaði ÍR áður en hann hélt í Árbæinn síðasta haust.

„Djöfull hlakka ég til að mæta Árna Guðna maður, ha!? Ég hef sjaldan verið jafn spenntur að vonandi pakka honum saman."

ÍR hefur svo sannarlega komið á óvart í sumar.

„Það átti enginn von á þessu, allir spáðu okkur neðarlega, það hafði enginn trú á okkur, en við höfum sannað að þeir höfðu rangt fyrir sér," sagði Bergvin léttur að lokum.