Njarðvík tók á móti nágrönnum sínum úr Keflavík á JBÓ vellinum í kvöld þegar tíunda umferð Lengjudeildarinnar hóf göngu sína.
Lestu um leikinn: Njarðvík 3 - 1 Keflavík
„Ótrúlega ánægður með strákana og þvílíkur karakter í þessu liði" sagði Gunnar Heiðar Þorvaldsson þjálfari Njarðvíkinga eftir leikinn í kvöld.
„Komum til b?ka á móti erfiðu Keflavíkurliði 1-0 og samt halda áfram að gera það sem við vorum að gera. Við fundum það að þetta var að fara koma, við vorum að fá mjög góð færi en vorum ekki að nýta þau. Við vissum að þetta myndi koma ef við myndum bara halda áfram"
„Fyrsta markið kemur og það sáu það allir að við ætlum að ná í annað markið og við ætluðum að ná í þriðja markið og það gerðum við og það er bara hrikalega gott að sjá það"
„Þvílíkur plús á strákana sem að komu inná hérna. Strákarnir sem að fengu tækifærið til að starta. Við vorum með þrjá í banni, þetta er akkurat það sem ég er búin að vera að tala um. Það er þessi hópur sem að við erum með hérna. Ég treysti hverjum einasta leikmanni til að spila hérna fyrir mig og það er svo ógeðslega gott að sjá það sem þjálfari að allir séu on og allir eru í þessu saman"
Gunnar Heiðar notaði svo tækifærið undir lok viðtals til þess að koma skilaboðum til Njarðvíkinga.
„Fyrir ykkur Njarðvíkinga. Munið það að nú er Reykjanesbær loksins orðin grænn. Litli bróðir er ekki svo lítill lengur, nú er hann orðin helvíti stór þannig njótið á meðan þið getið.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
