Þessa stundina eigast við Kosta Ríka og Japan í E-riðlinum á HM í Katar.
Kosta Ríka steinlá gegn Spáni og tapaði 7-0 í fyrstu umferð og í seinni hálfleiknum í dag hefur liðið verið í nauðvörn gegn Japan.
Á 81. mínútu komst liðið hins vegar í skyndisókn og skoraði Fuller Spence með vinstri fótar skoti í fjærhornið úr teignum.
Þvert gegn gangi leiksins en það er ekki spurt að því. Þetta var fyrsta skot Kosta Ríka á markið í mótinu en liðið var nálægt því að spila tvo heila leiki án þess að eiga skot á mark.
Ekki er mikið eftir af leiknum eða um rúma tíu mínútur þegar þetta er skrifað.
Eina markskot Kostaríku í leiknum dugði til sigurs gegn Japan. Keyshon Fuller skoraði sigurmarkið á 81. mínútu. pic.twitter.com/RrO2MoUKKB
— RÚV Íþróttir (@ruvithrottir) November 27, 2022
Athugasemdir
