Ólafur Helgi Kristjánsson, þjálfari Blika var ánægður með spilamennsku síns liðs í seinni hálfleik gegn Fram í kvöld en langt í frá að vera ánægður með fyrri hálfleikinn. Niðurstaðan 1-1 jafntefli.
Lestu um leikinn: Fram 1 - 1 Breiðablik
,,Eins og fyrri hálfleikurinn spilaðist þá ætti ég að vera sáttur með jafntefli. Svo spilast seinni hálfleikurinn og þá hefði ég eðlilega fyrst að Fram náði ekki að refsa okkur meira eftir fyrri hálfleikinn, viljað fara með þrjú stig héðan. Þetta er ekki spurning hvort ég sé sáttur en ég að sætta mig við þetta einhverntímann í kvöld," sagði Ólafur Helgi sem var óánægður með spilamennsku Blika í heild sinni í fyrri hálfleik.
Breiðablik gaf það fram fyrir tímabilið að þeir ætluðu sér að standa uppi sem sigurvegarar í lok sumars, og það markmið stendur enn þó þeir séu orðnir átta stigum á eftir KR.
,,Við ætlum okkur stóra hluti í sumar og við verðum að spila betur en þetta," sagði Óli Kristjáns.
Viðtalið í heild sinni er hægt að sjá í sjónvarpinu hér að ofan.
Athugasemdir
