Fótbolti.net

Vann kapphlaupið við tímann - „Búin að leggja ógeðslega mikið á mig"

Gætu ekki beðið um betra umhverfi - „Sagði við Hafrúnu að núna væri þetta að gerast"

Eru fjórar hjá sama félaginu - „Er heppin með það"

Karólína Lea gefur ekkert upp þrátt fyrir háværar sögur

Maggi Már: Mér fannst við vera betri

Óskar Hrafn: Vonaði að það væri undantekningin sem sannaði regluna

Sölvi um Óskar Borgþórs: Bara "no comment"

Nikolaj Hansen: Ég er framherji og vil skora mörk

Heimir Guðjóns: Eigum ekki að fá á okkur mörk úr föstum leikatriðum

Morten Ohlsen eftir tap Vestra: Okkur var refsað

Gísli Laxdal: Ég potaði honum inn hundrað prósent

Viktor varð ekki stressaður: Kennie stendur fyrir sínu

Lárus Orri: Áttum okkur á því að þetta er bara einn sigur

Láki: Þurfum að hafa meira fyrir því að skora mörk

Rúnar Kristins: Það bjargaði okkur alveg

Aðstaðan kom Caulker skemmtilega á óvart - „Frábær vettvangur til að læra, þróa minn feril og hjálpa liðinu“

Frá Ólafsvík á EM - „Maður er í þeim forréttindahópi"

Draumurinn rættist núna eftir svekkjandi tíðindi 2022

Upplifir fyrsta stórmótið með Íslandi - „Eiginlega engin orð fyrir það"

Skelltu sér í sjóinn og fengu góðan mat - „Bara flottara í persónu"

mán 30. júní 2025 15:17

Guðmundur Aðalsteinn Ásgeirsson
Thun

Karólína Lea gefur ekkert upp þrátt fyrir háværar sögur

Karólína Lea Vilhjálmsdóttir.

Mynd: Fótbolti.net - Guðmundur Aðalsteinn Ásgeirsson

Karólína Lea í leik með landsliðinu.

Mynd: Fótbolti.net - Hafliði Breiðfjörð

Á æfingu með landsliðinu í Sviss.

Mynd: Fótbolti.net - Guðmundur Aðalsteinn Ásgeirsson

„Það er búið að vera gríðarlegur hiti síðustu daga og að fá smá vind er bara gríðarlega gott," sagði landsliðskonan Karólína Lea Vilhjálmsdóttir þegar hún ræddi við Fótbolta.net fyrir utan hótel landsliðsins í Sviss í dag. Um er að ræða gríðarlega flott hótel.

Stelpurnar komu til Sviss síðasta laugardag og hafa verið að undirbúa sig fyrir fyrsta leik á Evrópumótinu síðustu daga.

30.06.2025 11:14

Segja Inter hafa gengið frá kaupum á Karólínu Leu

Hvernig var að koma hingað á þetta hótel?

„Það var bara yndislegt. Þetta er geðveikt hótel og yndislegt útsýni. Maður getur ekki kvartað."

Karólína segir að stelpurnar séu mjög vel stemmdar fyrir fyrsta leik á mótinu.

„Við erum alltaf að fara meira og meira í Finnana. Þetta er hrikalega gott lið. Þær eru kannski svipaðar okkur hvernig þær spila. Þær eru baráttuglaðar og samheldið lið með góðan liðsanda en þær eru líka með gæðaleikmenn inn á milli. Það er mikill spenningur í okkur."

„Þær eru með leikmenn sem spila í öllum stærstu deildunum. Þær geta líka haldið vel í boltann og refsað ef við erum eitthvað að gleyma okkur."

„Við förum inn í alla leiki sama hver andstæðingurinn er og það er engin breyting á því núna."

Þið verðið bara að bíða spennt
Það komu fréttir um það í morgun að frágengið væri að Karólína Lea færi til Inter á Ítalíu. Hún er samningsbundin Bayern München í Þýskalandi en hefur verið sterklega orðuð við Inter.

„Ég get bara sagt að ég sé samningsbundin Bayern. Framtíð mun ráðast á næstu dögum. Hvort ég verði áfram hjá Bayern eða fari eitthvað annað, þið verðið bara að bíða spennt," sagði Karólína.

Það er líka talið líklegt að Cecilía Rán Rúnarsdóttir verði hjá Inter á næsta tímabili en hún var þar á láni frá Bayern á síðustu leiktíð. Hafið þið eitthvað talað um Inter?

„Nei," sagði Karólína og hló.

Er það spennandi að þú sért orðuð við Inter?

„Já, algjörlega. Þetta er frábært lið og skemmtileg deild. En við verðum bara að bíða og sjá," sagði Karólína og bætti við í lokin að ekkert væri klappað og klárt, ekki enn.

Allt viðtalið má sjá í spilaranum hér fyrir ofan.

Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur