Markvörðurinn Bryndís Lára Hrafnkelsdóttir varði mark Þór/KA árið 2017, fyrri hluta árs 2018 og þegar heilsan leyfði það í sumar. Bryndís hefur einnig leikið með ÍBV, Breiðablik, KFR/Ægi og Ægi í Meistaraflokki. Hún á 169 skráða leiki í Meistaraflokki og einn A-landsleik.
Bryndís, sem er 28 ára gömul, gat ekki leikið alla leiki í sumar sökum bakmeiðsla og fékk Þór/KA undanþágu í september þar sem enginn markvörður var til taks hjá félaginu.
Bryndís, sem er 28 ára gömul, gat ekki leikið alla leiki í sumar sökum bakmeiðsla og fékk Þór/KA undanþágu í september þar sem enginn markvörður var til taks hjá félaginu.
Bryndís nýtti sér uppsagnarákvæði í samningi sínum við Þór/KA eftir liðna leiktíð og er því án félags í dag. Hún lagði hanskana á hilluna eftir tímabilið 2017 en mætti til leiks tímabilið eftir. Ekki er vitað hvað Bryndís tekur sér næst fyrir hendur.
Fótbolti.net hafði í dag samband við Andra Hjörvar Albertsson, aðalþjálfara Þór/KA, og var hann spurður út í mál Bryndísar, eru einhverjar líkur á að hún komi aftur í Þór/KA?
„Nei ég held að það séu afarlitlar líkur á því," sagði Andri við Fótbolta.net.
„Ég hef sjálfur persónulega ekki talað við hana og ég veit ekki hvað hún ætlar að gera næst. Ég held það séu litlar líkur á að hún komi aftur í Þór/KA," sagði Andri um Bryndísi Láru.
Sjá einnig:
Harpa Jóhannsdóttir fær traustið sem aðalmarkvörður Þór/KA
Andri Hjörvar: Loka engum dyrum á endurkomu Mexíkóanna
Athugasemdir
