Sandra María Jessen er viðmælandi Heimavallarins að þessu sinni
Sandra María Jessen er nýjasta atvinnukonan okkar í knattspyrnu en hún skrifaði nýlega undir samning við þýska liðið Bayer 04 Leverkusen. Þangað fer hún frá Þór/KA þar sem hún hefur leikið allan sinn meistaraflokksferil eftir að hafa alist upp hjá Þór.
Sandra María varð fljótt fyrirferðamikil í íslenska boltanum. Hún byrjaði að spila með Þór/KA í efstu deild þegar hún var 16 ára gömul og afrekaði það svo ári síðar að spila með öllum landsliðum Íslands. U17, U19, U23 og A-landsliðinu þar sem hún vakti aldeilis athygli og skoraði með fyrstu snertingu í tveimur fyrstu landsleikjum sínum. Með Þór/KA hefur hún hampað tveimur Íslandsmeistaratitlum, nú síðast sem fyrirliði sumarið 2017. Ferillinn hefur þó ekki alltaf verið dans á rósum og Sandra María hefur til að mynda slitið krossband í tvígang og upplifað kulnun í fótboltanum.
Nýjasta atvinnukonan okkar hefur frá mörgu að segja og gaf sér tíma til að hitta þær Huldu Mýrdal og Mist Rúnarsdóttur á Heimavellinum áður en hún hélt af stað í atvinnumannaævintýrið í Þýskalandi.
Meðal efnis… Sterkur ´95 árgangur, mikið leikjaálag á unglingsárunum, ótrúlegt landsliðsár, Íslandsmeistaratitlarnir, krossbandaslit á EM-árum, efasemdir um leikstíl Borgarstjórans í upphafi, umgjörðin fyrir norðan, kulnun, atvinnumennskan og margt fleira.
Sjá einnig:
Hlustaðu gegnum Podcast forrit
Heimavöllurinn er einnig á Instagram en þar eru knattspyrnu kvenna gerð skil á lifandi hátt.
Eldri þættir af Heimavellinum
Óvænt U-beygja eftir sjö stóra titla í Garðabæ (17. janúar)
Áramótauppgjör (29. desember)
Ingibjörg Sigurðardóttir í ítarlegu spjalli (23. desember)
Félagaskiptin í Pepsi-deildinni (5. desember)
Landsliðsliðið okkar (27. nóvember)
Landsliðsmálin í brennidepli (8.nóvember)
Umræða um Pepsi-deildina (10.október)
Athugasemdir
