Andri Lucas Guðjohnsen.
Arnór Ingvi Traustason hefur miklar mætur á liðsfélaga sínum í landsliðinu, Andra Lucas Guðjohnsen.
Þeir voru liðsfélagar hjá Norrköping á sínum tíma, en Andri Lucas fékk ekki mikinn séns þar. Hann var lánaður til Lyngby í Danmörku þar sem hann sló í gegn.
Þeir voru liðsfélagar hjá Norrköping á sínum tíma, en Andri Lucas fékk ekki mikinn séns þar. Hann var lánaður til Lyngby í Danmörku þar sem hann sló í gegn.
Lyngby keypti hann og seldi hann svo nýverið til Gent í Belgíu þar sem hann hefur verið að vekja athygli strax.
„Það kemur mér ekkert á óvart varðandi hann. Andri er frábær leikmaður," sagði Arnór Ingvi við NTSporten í Svíþjóð.
Arnór Ingvi, sem er afar reynslumikill, telur að Andri Lucas geti farið eins langt og hann vill.
„Hann getur farið eins langt og hann óskar sér. Hann er með hausinn á réttum stað, hann er líkamlega sterkur, góður skallamaður, getur klárað færi og er með góðar staðsetningar í teignum. Hann er fullkomin nía. Ef þú setur hann í gott lið, þá mun hann skora."
Athugasemdir
