Þýska félagið Borussia Dortmund mun ekki versla meira í þessum glugga en þetta segir Michael Zorc, framkvæmdastjóri félagsins, í viðtali við Sky.
Dortmund fékk þá Donyell Malen, Gregor Kobel, Soumaila Coulibaly, Abdoulaye Kamara og Marin Pongracic í sumar en félagið hefur verið að skoða fleiri leikmenn á markaðnum.
Samkvæmt fréttum frá Englandi þá ætlaði Dortmund að fá Callum Hudson-Odoi frá Chelsea á láni en það verður ekki af því.
Zorc staðfesti við Sky í dag að Dortmund myndi ekki fá fleiri leikmenn inn fyrir lok gluggans.
Það er þó enn möguleiki á að einhverjir leikmenn yfirgefi félagið áður en glugginn lokar síðar í dag.
Athugasemdir
