Pedro Neto skoraði fyrra mark Chelsea
Chalobah handlék boltann í teignum í fyrri hálfleiknum en var heppinn að fá ekki á sig víti
Burnley 0 - 2 Chelsea
0-1 Pedro Neto ('37 )
0-2 Enzo Fernandez ('88 )
0-1 Pedro Neto ('37 )
0-2 Enzo Fernandez ('88 )
Chelsea er áfram á skriði í ensku úrvalsdeildinni en liðið vann þriðja leikinn í röð er það vann 2-0 sigur á nýliðum Burnley á Turf Moor í 12. umferð deildarinnar í dag.
Liðin skiptust á að sækja í byrjun leiks en Chelsea náði aðeins betri tök á leiknum þegar leið á.
Stórt atvik átti sér stað á 31. mínútu leiksins sem hefði getað breytt gangi leiksins. Robert Sanchez, markvörður Chelsea, tók útspark stutt á Trevoh Chalobah sem snerti boltann með höndunum. Dómarinn sá ekkert athugavert við það og var það Chalobah sem tók síðan útsparkið, en Aston Villa fékk á sig vítaspyrnu eftir samskonar atvik í Meistaradeildinni á síðustu leiktíð. Tyrone Mings snerti boltann með höndunum í því atviki og klórar hann sér eflaust í hausnum eftir þetta atvik.
Hefði vissulega breytt öllu fyrir Burnley en það er þó alveg hægt að segja það að Chelsea verðskuldaði öll stigin í dag.
Pedro Neto kom þeim yfir sex mínútum eftir atvikið með flugskalla eftir laglega fyrirgjöf Jamie Gittens.
Portúgalinn gat hæglega bætt við öðru í þeim síðari en skot hans hafnaði í nærstönginni og þá sá Martin Dubravka við Malo Gusto um það bil stundarfjórðungi fyrir leikslok.
Burnley náði að auka pressuna á Chelsea á lokamínútunum en því fylgir oft mikil áhætta. Á endanum tókst gestunum að bæta við öðru og loka leiknum. Marc Guiu stakk sér inn fyrir, lagði boltann til hliðar á Enzo Fernandez sem tryggði Chelsea öll stigin.
Nokkuð sannfærandi hjá Chelsea sem klifrar upp í 2. sæti deildarinnar með 23 stig, þremur stigum frá nágrönnum sínum í Arsenal, en Burnley áfram í 17. sæti með 10 stig.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 16 | 11 | 3 | 2 | 30 | 10 | +20 | 36 |
| 2 | Man City | 15 | 10 | 1 | 4 | 35 | 16 | +19 | 31 |
| 3 | Aston Villa | 15 | 9 | 3 | 3 | 22 | 15 | +7 | 30 |
| 4 | Chelsea | 16 | 8 | 4 | 4 | 27 | 15 | +12 | 28 |
| 5 | Crystal Palace | 15 | 7 | 5 | 3 | 20 | 12 | +8 | 26 |
| 6 | Liverpool | 16 | 8 | 2 | 6 | 26 | 24 | +2 | 26 |
| 7 | Man Utd | 15 | 7 | 4 | 4 | 26 | 22 | +4 | 25 |
| 8 | Everton | 16 | 7 | 3 | 6 | 18 | 19 | -1 | 24 |
| 9 | Brighton | 16 | 6 | 5 | 5 | 25 | 23 | +2 | 23 |
| 10 | Sunderland | 15 | 6 | 5 | 4 | 18 | 17 | +1 | 23 |
| 11 | Tottenham | 15 | 6 | 4 | 5 | 25 | 18 | +7 | 22 |
| 12 | Newcastle | 15 | 6 | 4 | 5 | 21 | 19 | +2 | 22 |
| 13 | Bournemouth | 15 | 5 | 5 | 5 | 21 | 24 | -3 | 20 |
| 14 | Fulham | 16 | 6 | 2 | 8 | 23 | 26 | -3 | 20 |
| 15 | Brentford | 15 | 6 | 1 | 8 | 21 | 24 | -3 | 19 |
| 16 | Leeds | 15 | 4 | 3 | 8 | 19 | 29 | -10 | 15 |
| 17 | Nott. Forest | 15 | 4 | 3 | 8 | 14 | 25 | -11 | 15 |
| 18 | West Ham | 15 | 3 | 4 | 8 | 17 | 29 | -12 | 13 |
| 19 | Burnley | 16 | 3 | 1 | 12 | 18 | 33 | -15 | 10 |
| 20 | Wolves | 16 | 0 | 2 | 14 | 9 | 35 | -26 | 2 |
Athugasemdir
