Troy Parrott er kominn í guðatölu hjá Írum eftir ótrúlegan landsleikjaglugga þar sem hann skoraði fimm mörk í tveimur leikjum og skaut sínum mönnum áfram í umspil heimsmeistaramótsins.
Alþjóðaflugvöllur Írlands, Dublin Airport, ákvað að breyta nafni sínu á X stuttu eftir að Parrott skoraði seint sigurmark í 3-2 sigrinum á Ungverjum, markið sem skaut Írum áfram og nú hefur dýragarðurinn í Dýflinni ákvað að ganga enn lengra.
Það hefur tekið ákvörðun um að skíra einn páfagaukinn í garðinum eftir Parrott. Sá mun heita Troy en hann mun auðvitað ekki þurfa eftirnafnið þar sem það er keimlíkt enska heitinu yfir páfagauk (e. parrot).
„Þetta er kannski ekki styttan sem margir stuðningsmenn kölluðu eftir í leikslok, en við vonum að upprunalegi Troy sjái þetta sem enn eina fjöðurina í hattinn,“ sagði Diana Farrell, dýragarðsvörður Dublin Zoo.
Írland mætir Tékklandi í undanúrslitum umspilsins, en sigurvegarinn úr leiknum mun mæta annað hvort Danmörku eða Norður-Makedóníu í úrslitaleik um sæti á HM. Heimir Hallgrímsson er þjálfari Íra.
Athugasemdir
