,,Þetta var alls ekki nógu gott hjá okkur í heildina enda eru fjögur núll úrslit ekki eitthvað sem maður sækist eftir í leik sem skiptir miklu máli í lokaniðurstöðu mótsins," sagði Jón Páll Pálmason þjálfari kvennaliðs Fylkis eftir 0-4 tap gegn Val í Egilshöll í kvöld.
Gríðarlegur getumunur var á liðunum í leiknum í kvöld en er í rauninni svona mikill getumunur eða komu hans leikmenn svona illa stemmdir til leiks?
,,Leikurinn endaði 4-0 svo það er greinilega munurinn á liðunum í dag. Það er ekkert flóknara en svo. Valsliðið spilaði fyrsta hálftímann frábærlega, pressuðu okkur mjög framarlega og mínir leikmenn tóku ekki nógu vel á móti."
,,Þær voru mjög stressaðar, héldu boltanum afar illa og voru ekki samkvæmar sjálfum sér. Við höfum spilað fullt af leikjum í vetur sem hafa gengið þokkalega vel en á móti mun slakari liðum en Valsliðið er."
,,Valsliðið spilaði mjög vel í fyrri hálfleik en slakaði svo á klónni í seinni hálfleik. Frammistaða okkar var mun betri í seinni hálfleik en fyrri hálfleik en leikurinn var búinn eftir fyrri hálfleikinn. Það var 4-0 og við áttum erfitt uppdráttar."
,,Ég verð samt að hrósa mínu liði fyrir seinni hálfleikinn. Við reyndum, héldum boltanum betur í seinni hálfleik sköpuðum nokkur færi og hefðum átt að skora. En svona er þetta, þú verður að mæta frá fyrstu mínútu, annars ertu tekinn í bakaríið af liði eins og Val sem er búið að vera langbesta liðið á landinu í mörg ár. Það var hugur í liðinu en við vorum rotaðar í byrjun, þær voru rotaðar í byrjun, ég er ekki kvenmaður."
Nánar er rætt við Jón Pál í sjónvarpinu hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
