Barist um boltann í leiknum í kvöld.
,,Þetta voru mikilvæg stig en erfið, hörkuleikur," sagði Þórður Þórðarson þjálfari ÍA eftir 1-0 sigur á Þrótti í 1. deildinni í kvöld.
,,Ég er ekkert rosalega ánægður með spilið en mér fannst við berjast vel og taka vel á móti þeim. Ég var ánægður með það, veðrið var þannig í dag að það bauð ekki upp á neinn sambafótbolta. Við fórum út til að berjast og gerðum það vel."
,,Bæði lið spiluðu fast í návígum og það er bara fínt, svoleiðis á þetta að vera."
Liði Þróttar er spáð fallbaráttu í deildinni, en hvað fannst Þórði um þá?
,,Þetta Þróttaralið fellur ekkert, þetta eru vel spilandi strákar og með marga seiga menn og marga reynslubolta í liðinu, þetta lið er ekki að fara að falla."
Nánar er rætt við hann í sjónvarpinu að ofan.
