Jóhann Berg átti stoðsendingu.
Nú er nýlokið leik Íslands og Portúgals á Evrópumótinu í Frakklandi. Leiknum lauk með sögulegu jafntefli 1-1. Stórkostleg frammistaða!
Hér að neðan má sjá einkunnir íslenska liðsins.
Hér að neðan má sjá einkunnir íslenska liðsins.
Hannes Þór Halldórsson 9 - Maður leiksins
Einstakur markvörður. Elskar stóra sviðið og átti stórkostlega vörslu í fyrri hálfleik. Lykillinn að því að við töpuðum ekki.
Birkir Már Sævarsson 7
Öruggur í öllu sem hann gerði.
Kári Árnason 7
Gagnrýndur á samfélagsmiðlum eftir fyrri hálfleikinn en var frábær í þeim seinni.
Ragnar Sigurðsson 9
Suddalega góður leikur hjá Ragnari sem sýndi gæði sín gegn Ronaldo, öðrum af tveimur bestu leikmönnum heims.
Ari Freyr Skúlason 7
Leggur sig alltaf allan fram og það skilar sér í góðri frammistöðu leik eftir leik.
Aron Einar Gunnarsson 8
Fyrirliði vor og fósturjörð.
Gylfi Þór Sigurðsson 8
Það eru gríðarlega miklar kröfur á Gylfa en hann átti mjög góðan leik.
Jóhann Berg Guðmundsson 7
Átti ekki góðan fyrri hálfleik og virkaði skjálfti í honum. Steig heldur betur upp í seinni hálfleiknum og skilaði stoðsendingu.
Birkir Bjarnason 8
Skráði sig í sögubækurnar með því að skora fyrsta mark Íslands á stórmóti.
Kolbeinn Sigþórsson 8
Magnaður í loftinu. Maðurinn getur ekki spilað illa í landsliðsbúningnum.
Jón Daði Böðvarsson 8
Steig varla feilspor og var óhemju duglegur að vanda.
Enginn varamaður spilaði nægilega lengi til að fá einkunn
Athugasemdir
