Aron fiskaði vítaspyrnu í dag.
„Ég verð klár fyrir miðvikudaginn, það er klárt," sagði Aron Einar Gunnarsson, landsliðsfyrirliði, eftir 1-1 jafnteflið gegn Ungverjum í kvöld.
Emil Hallfreðsson kom inn á fyrir Aron á 65. mínútu leiksins í kvöld. Aron var að glíma við meiðsli fyrir EM og fann fyrir stífleika í leiknum í kvöld.
Emil Hallfreðsson kom inn á fyrir Aron á 65. mínútu leiksins í kvöld. Aron var að glíma við meiðsli fyrir EM og fann fyrir stífleika í leiknum í kvöld.
„Ég æfði ekki nógu mikinn fótbolta fyrir mót. Þá reynir á öðruvísi vöðva þegar maður er kominn í 100% leik. Þá stífnar maður upp, eins og gengur og gerist í fótboltanum," sagði Aron.
„Ég er allur að koma til. Þetta var bara stífleiki. Mér fannst ég vera farinn að verða farþegi í lokin og blása svolítið mikið. Ég held að það hafi þurft að fá ferskleika inn á miðjuna."
Ísland mætir Austurríki á miðvikudag en sigur þar tryggir sæti í 16-liða úrslitum á EM. Jafntefli gæti nægt ef önnur úrslit eru hagstæð.
Athugasemdir
