Duvan Zapata, sóknarmaður Atalanta og kólumbíska landsliðsins, hefur áhuga á að spila í ensku úrvalsdeildinni.
Zapata er kröftugur sóknarmaður sem margir telja að gæti gert góða hluti í ensku úrvalsdeildinni. Hann hefur gert 61 mark í 119 leikjum með Atalanta en þar áður lék hann fyrir Napoli, Udinese og Sampdoria.
„Gæti ég spilað í úrvalsdeildinni í framtíðinni? Aldrei segja aldrei í fótbolta. Í æsku þá horfði ég stöðugt á ensku úrvalsdeildina og var mikill stuðningsmaður Arsenal. Ég vaknaði snemma hverja helgi til að sjá þá spila," sagði Zapata í viðtali við Gazzetta dello Sport.
Zapata á afmæli í dag og er orðinn 30 ára gamall. Hann hefur skorað 4 mörk í 18 leikjum fyrir Kólumbíu.
Hann er samningsbundinn Atalanta til 2023 og er metinn á um 40 milljónir evra.
Athugasemdir