Villi lét gæsluna hafa afskipti af ljósmyndara Vals

Atvikið átti sér stað í seinni hálfleiknum. Birkir Már Sævarsson fór óvarlega í Árna Snæ Ólafsson markvörð Skagamanna sem lá óvígur eftir í markinu.

Skagamenn voru með boltann en ósáttir við að Birkir Már hafi sloppið með skrekkinn. Villi mætti á svæðið en þegar hann ræddi við Árna Snæ sem lá í markinu gjammaði ljósmyndari Vals sem var fyrir aftan auglýsingaskiltin einhverju að honum.

Árni brást reiður við og Vilhjálmur Alvar kallaði strax í fjórða dómara sem sendi öryggisgæslu til að ræða við ljósmyndarann. Skömmu síðar fór ljósmyndarinn af svæðinu sem hann var á. Myndir eru meðfylgjandi.