Valur 3 - 1 Stjarnan
0-1 Andri Rúnar Bjarnason ('5 )
1-1 Jónatan Ingi Jónsson ('37 )
2-1 Patrick Pedersen ('56 )
3-1 Patrick Pedersen ('75 )
Lestu um leikinn
0-1 Andri Rúnar Bjarnason ('5 )
1-1 Jónatan Ingi Jónsson ('37 )
2-1 Patrick Pedersen ('56 )
3-1 Patrick Pedersen ('75 )
Lestu um leikinn
Valur er komið áfram í úrslit Mjólkurbikarsins eftir sigur á Stjörnunni á Hlíðarenda í kvöld.
Stjarnan komst yfir snemma leiks þegar Benedikt Warén átti frábæra fyrirgjöf beint á kollinn á Andra Rúnari Bjarnasyni sem skoraði.
Stuttu síðar vildu Valsarar að Árni Snær Ólafsson, markvörður Stjörnunnar, fengi rautt spjalld. Hann braut á Albin Skoglund sem var sloppinn í gegn en uppskar aðeins gult spjald.
Jónatan Ingi Jónsson jafnaði metin fyrir Val eftir vandræðagang í vörn Stjörnunnar. Hann komst inn á teiginn og skoraði með skoti í nærhornið.
Eftir tæplega klukkutíma leik kom Kristinn Freyr Sigurðsson sér auðveldlega inn á teiginn og sendi boltann á markahrókinn Patrick Pedersen sem skoraði af stuttu færi.
Hann innsiglaði síðan sigur Vals þegar boltinn datt til hans eftir sláarskot frá Skoglund. Valur mætir annað hvort Vestra eða Fram í úrslitum en hinn undanúrslitaleikurinn fer fram þann 12. júlí á Ísafirði.
Hér má sjá allt það helsta úr 3-1 sigri Valsmanna gegn Stjörnunni. Valur er komið í bikarúrslit í fyrsta sinn frá 2016 ???? pic.twitter.com/eaSRQ5f1xY
— RÚV Íþróttir (@ruvithrottir) July 1, 2025
Athugasemdir
