Sigurpáll Sören.
Franz Sigurjónsson var hjá Þrótti 2022.
Sigurpáll Sören Ingólfsson, markmaður KR, fótbrotnaði á æfingu með liðinu í síðustu viku. Þetta staðfestir Óskar Hrafn Þorvaldsson, þjálfari KR, í samtali við Fótbolta.net.
Sigurpáll er 22 ára og hefur verið varamarkmaður fyrir Halldór Snæ Georgsson á þessu tímabili. Hann stóð vaktina í öruggum bikarsigri gegn KÁ í apríl.
„Hann er á leiðinni í aðgerð, ökklabrotnaði á æfingu í lok síðustu viku og verður frá næstu tvo mánuðina," segir Óskar.
Sigurpáll er 22 ára og hefur verið varamarkmaður fyrir Halldór Snæ Georgsson á þessu tímabili. Hann stóð vaktina í öruggum bikarsigri gegn KÁ í apríl.
„Hann er á leiðinni í aðgerð, ökklabrotnaði á æfingu í lok síðustu viku og verður frá næstu tvo mánuðina," segir Óskar.
„Við erum tilneyddir til að líta í kringum okkur, það er alveg ljóst. Í dag erum við með Hauk Loga Tryggvason, 2. flokks markmann, sem hefur verið okkar þriðji markmaður."
Eyjamaðurinn Franz Sigurjónsson, sem lék með KFG í fyrra, hefur verið með KR á æfingum eftir meiðsli Sigurpáls.
„Það þarf líka einhver útispilari að setja á sig hanskana í vikunni. Það verður að koma í ljós hver það verður, en það eru einhverjir sem eru áhugasamari um það en aðrir," segir Óskar.
„Við vorum ekki að leita að markmanni, þannig við erum á algjörum byrjunarreit í markmannsleitinni."
Næsti leikur KR verður gegn Breiðabliki á laugardag, það verður fyrsti leikur KR á Meistaravöllum í sumar en búið er að leggja gervigras á völlinn.
Athugasemdir
