Tobias Thomsen.
Danski sóknarmaðurinn Tobias Thomsen hefur byrjað síðustu tvo leiki Breiðabliks á bekknum.
Tobias hefur verið lykilmaður fyrir Breiðablik í sumar og er búinn að skora átta mörk í 15 leikjum í Bestu deildinni.
Tobias hefur verið lykilmaður fyrir Breiðablik í sumar og er búinn að skora átta mörk í 15 leikjum í Bestu deildinni.
Halldór Árnason, þjálfari Breiðabliks, var spurður að því eftir síðasta leik gegn Lech Poznan hvort Tobias væri eitthvað tæpur í ljósi þess að hann væri á bekknum.
„Tobias hefur spilað mikið í sumar og framan af tímabili, þegar Kristófer (Ingi Kristinsson), var frá þá vorum við ekki með mann í staðinn fyrir hann," sagði Dóri.
„Ég veit ekki hvort það átti sig allir á því en tímabilið hjá Tobias byrjaði í september í Portúgal. Hann fékk fjögurra daga frí um jólin og ekkert meira. Hann er á sínum tíunda mánuði á tímabilinu. Það er mjög dýrmætt að geta hvílt lappirnar í nokkra daga. Hann hefur verið frábær fyrir okkur og gríðarlega mikilvægur."
Athugasemdir
