Davíð Snær fékk rembingskoss frá Meyernum.
Það var alvöru dramatík í Kaplakrikanum í kvöld þegar FH vann endurkomusigur gegn KA í undanúrslitum Mjólkurbikarsins. Eftir að KA missti mann af velli með rautt gekk FH á lagið og skoraði sigurmarkið í uppbótartíma.
Davíð Snær Jóhannsson kom inn af bekknum hjá FH og reyndist hetjan. Hann spjallaði við Fótbolta.net eftir leikinn og í miðju viðtali kom Tómas Meyer og gaf honum rembingskoss.
Davíð Snær Jóhannsson kom inn af bekknum hjá FH og reyndist hetjan. Hann spjallaði við Fótbolta.net eftir leikinn og í miðju viðtali kom Tómas Meyer og gaf honum rembingskoss.
Lestu um leikinn: FH 2 - 1 KA
„Tilfinningin er vægast sagt ólýsanleg," sagði Davíð. „Tækifærin að fara í bikarúrslitaleiki eru sjaldgæf og þá verður maður að taka þau. Við vorum betri á þeim mínútum sem skipta máli."
FH gekk erfiðlega að skapa sér færi stærstan hluta leiksins.
„Leikurinn er 90 mínútur. Maður verður að vera 'on it' allan tímann. Við lentum undir og fyrr á tímabilinu hefði það kannski klárað okkur. En við erum aðeins farnir að snúa þessu við. Það er komin trú aftur."
„Ég kom inn með 'ekkert skiptir máli' attitjúd. Keyra þetta bara í gang, við vorum undir hvort sem er. Það datt þannig að ég var góður og það skipti máli."
Davíð segist hafa fundið það strax og hann tók skotið að boltinn myndi enda inni.
FH mætir Víkingi í bikarúrslitum 1. október.
MARK - FH er komið yfir og allt stefnir í að FH fari í úrslitaleikinn á móti Víking - Davíð Snær Jóhannsson með svakalegt skot og mark og leiktíminn er að renna út pic.twitter.com/nNQriYiDV1
— RÚV Íþróttir (@ruvithrottir) September 1, 2022
Athugasemdir
