Ole Gunnar Solskjær, stjóri Manchester United, segir að eftirlitsmaður frá ensku úrvalsdeildinni sem var á leik liðsins gegn Sheffield United í síðustu viku hafi viðurkennt að mistök voru gerð í leiknum.
Solskjær var ósáttur við það að mark Sheffield United í fyrri hálfleik hafi fengið að standa. Billy Sharp, sóknarmaður Sheffield United, ýtti í bakið á David de Gea, markverði Man Utd, í aðdraganda marksins.
Svo skoraði Man Utd mark sem var dæmt af. Harry Maguire var talinn brotlegur í teignum.
„Ég fékk skýrslu frá eftirlitsmanninum og þar stóð að það voru tvö mistök gerð. Það var viðurkennt að markið þeirra átti ekki að standa og markið okkar átti að standa. Það breytir miklu fyrir okkur."
Leikurinn endaði 2-1 fyrir Sheffield United og eru þessi mistök því dýr fyrir Man Utd.
Athugasemdir