Ihler er 19 ára gamall danskur sóknarmaður sem kom til Vals frá AGF fyrir um þremur vikum síðan.

Hann spilaði sjö leiki með AGF og skoraði eitt mark í dönsku úrvalsdeildinni á síðasta tímabili, í leik gegn Nordsjælland.

Ihler spilaði þrjá leiki fyrir Valsmenn en tókst ekki að skora. Hann byrjaði gegn í tapi gegn ÍBV í Vestmannaeyjum en kom inn á sem varamaður í hinum tveimur leikjunum sem hann spilaði.

Ihler er núna farinn aftur heim til AGF; þetta var engin frægðarför hjá honum til Íslands.

Valur er í fimmta sæti Bestu deildarinnar. Ólafur Jóhannesson tók nýverið við liðinu af Heimi Guðjónssyni. Næsti leikur Vals er gegn FH á morgun.