Heung-min Son hefur greint frá því að hann vilji fara frá Tottenham í sumar.
Football London greindi frá þessu í nótt og í kjölfarið sat Son fyrir svörum ásamt Thomas Frank, stjóra liðsins, á fréttamannafundi fyrir æfingaleik Tottenham gegn Newcastle í Suður-Kóreu, heimalandi Son, á morgun.
Football London greindi frá þessu í nótt og í kjölfarið sat Son fyrir svörum ásamt Thomas Frank, stjóra liðsins, á fréttamannafundi fyrir æfingaleik Tottenham gegn Newcastle í Suður-Kóreu, heimalandi Son, á morgun.
Hann á aðeins eitt ár eftir af samningi sínum hjá Tottenham en hann hefur verið orðaður við bandaríska félagið Los Angeles FC.
„Þetta var erfiðasta ákvörðun sem ég hef tekið á mínum ferli. Aðal ástæðan er sú að ég hef afrekað allt sem ég get hjá Tottenham. Ég þarf nýtt umhverfi og ferska áskorun," sagði Son.
„Ég kom til Norður Lundúna sem krakki. Strákur sem gat ekki talað ensku kom til Lundúna. Ég yfirgef félagið sem maður. Þakkir til allra stuðningsmanna Tottenham sem hafa gefið mér mikla ást."
Son er 33 ára gamall og hefur verið á mála hjá Tottenham frá 2015 þegar hann gekk til liðs við félagið frá Leverkusen. Hann hefur leikið 454 leiki og skorað 173 mörk.
Athugasemdir
