„Svekktur að hafa tapað leiknum. Mér fannst við spila gríðarlega vel, stjórnuðum leiknum frá fyrstu sekúndu fram að því þangað til þeir komast yfir 2-1 og þá hendum við öllu fram og reyna koma til baka. Við eigum bara að stúta leiknum á fyrstu 20 mínútunum, það var bara eitt lið á vellinum, gerum ein mistök og fáum á okkur víti sem var gjörsamlega í gegn gangi leiksins og ég er bara mjög svekktur að tapa leiknum." sagði Úlfur Arnar Jökulsson svekktur eftir 1-3 tapið gegn HK í Kórnum í kvöld.
Lestu um leikinn: HK 3 - 1 Fjölnir
Fjölnismenn stýrðu leiknum og þá sérstaklega í síðari hálfleik en HK skapaði sér nánast ekkert þangað til þeir komast í 2-1.
„Þeir klúðra ekki færi fyrr en í stöðunni í 3-1 þegar Hassan kemst einn í gegn og Sigurjón ver og það er eina færið í leiknum sem þeir nýta ekki en svona er þetta bara. Við vorum góðir í öllu nema skapa okkur afgerandi færi og skora mörk."
Fjölnismenn með tapinu í kvöld eiga ekki séns á að komast upp þar sem sigur HK tryggði liðið upp í Bestu deildinni að ári og var Úlfur spurður um síðustu tvær umferðir deildarinnar.
„Ég vill nota tækifærið og óska HK innilega til hamingju með að komast upp í efstu deild og sömuleiðis Fylkismönnum. Við förum í næsta til þess að vinna og svo förum við í þarnæsta leik til þess að vinna. Það hefur alltaf verið planið. Við löggðum upp sumarið þannig að fara í hvern einasta leik til þess að vinna hann og líka bara vinna í öllum markmiðunum sem við settum okkur."
Viðtalið í heild sinni má sjá í sjónvarpinu hér að ofan.