Sigfús Fannar Gunnarsson komst síðan í gott færi stuttu síðar eftir laglegan undirbúning Ibrahima Balde en skaut vel yfir markið.

Eftir klukkutíma leik vildi Sigfús fá vítaspyrnu þegar Jónþór Atli Ingólfsson hélt í hann í teignum en ekkert dæmt. Stuttu síðar kom Sígfús boltanum í netið. Hann kláraði færið eftir laglega sókn Þórsara.

Það reyndist sigurmarkið. Fjórði sigur Þórs í röð og liðið er í 2. sæti með 36 stig, stigi á eftir Njarðvík sem tapaði gegn Þrótti fyrr í dag. ÍR er í 4. sæti með 33 stig, tveimur stigum á eftir Þrótti.

Leiknir vann Völsung á Húsavík en það var mikil dramatík í blálokin. Leiknir náði forystunni strax í upphafi leiks. Þorsteinn Emil Jónsson
átti fyrirgjöf og Dagur Ingi Hammer Gunnarsson skallaði boltann í netið.

Völsungur var nálægt því að jafna stuttu síðar en Jakob Héðinn Róbertsson skaut rétt framhjá.

Völsungur fékk nokkur færi í fyrri hálfleik til að jafna metin en Leiknir var með forystuna í hálfleik. Sergio Parla Garcia jafnaði metin fyrir Völsung þegar hann skoraði á opið markið eftir sendingu frá Jakobi.

Leiknir tók yfir leikinn í kjölfarið og Kári Steinn Hlífarsson kom liðinu aftur yfir. Í blálokin skoraði Völsungur en markið dæmt af og sigur Leiknis staðreynd.

Leiknir var á botninum eftir úrslit fyrr í dag en liðið er komið í 10. sætii með 16 stig en Völsungur er áfram í 7. sæti með 19 stig.

ÍR 0 - 1 Þór
0-1 Sigfús Fannar Gunnarsson ('62 )
Lestu um leikinn

Völsungur 1 - 2 Leiknir R.
0-1 Dagur Ingi Hammer Gunnarsson ('1 )
1-1 Sergio Parla Garcia ('70 )
1-2 Kári Steinn Hlífarsson ('79 )
Lestu um leikinn