Arsenal lagði Man Utd í fyrstu umferð úrvalsdeildarinnar á Old Trafford í kvöld. MIkel Arteta, stjóri Arsenal, var í skýjunum eftir leikinn.
„Þetta var risastórt, að koma hingað í þetta andrúmsloft. Við verðum að vera auðmjúkir varðandi það hvernig við skoruðum. Leikir vinnast í báðum teigum og það gerðum við í dag," sagði Arteta.
„Ég horfi í andlitið á leikmönnunum og þeir vilja miklu meira. Við vitum að við erum miklu betri en við sýndum á ákveðnum augnablikum. Áður en ég kom hingað höfðum við ekki unnið í einhver 18-20 ár á Old Trafford en núna komum við og vinnum oft og erum enn ekki fullkomlega sáttir."
Viktor Gyökeres og Martin Zubimendi spiluðu fyrsta leikinn sinn fyrir Arsenal í dag. Noni Madueke kom einnig inn á í sínum fyrsta leik.
„Ég er mjög ánægður með þá. Líka þá sem komu inn á, þeir höfðu mikil áhrif á leikinn. Sumir eru ekki alveg á þeim stað sem þeir eiga að vera á en þeir munu komast þangað."
Athugasemdir
