Simakan er aðeins 24 ára gamall miðvörður sem kemur frá RB Leipzig í Þýskalandi.

Frakkinn var orðaður við enska úrvalsdeildarfélagið Liverpool í glugganum en hann hefur verið frábær með Leipzig síðustu ár og kemur því á óvart að hann sé farinn til Sádi-Arabíu á þessum tímapunkti ferilsins.

Kaupverðið er 40 milljónir evra og skrifaði hann undir hjá Al Nassr í kvöld, rétt fyrir gluggalok.

Félagið hefur einnig fengið brasilíska vængmanninn Angelo frá Chelsea.

Angelo er 19 ára gamall vængmaður sem samdi við Chelsea á síðasta ári. Hann eyddi síðustu leiktíð á láni hjá Strasbourg í Frakklandi, en hafði ekki þolinmæðina í verkefnið hjá Chelsea og er nú mættur til Al Nassr fyrir 18 milljónir punda.

Al Nassr er komið með góðan hóp sem ætti að geta barist um titla, en þeir Cristiano Ronaldo, Sadio Mane, Marcelo Brozovic, Aymeric Laporte, Wesley, Bento og Anderson Talisca eru allir á mála hjá félaginu.