Ole Gunnar Solskjær, stjóri Manchester United, gerir fjórar breytingar á liði sínu fyrir leikinn gegn Bournemouth frá leiknum gegn Chelsea í deildabikarnum í miðri viku. Leikurinn hefst klukkan 12:30.

Anthony Martial, sem byrjaði á bekknum gegn Chelsea, kemur inn í stað Jesse Lingard og byrjar fremstur. Ashley Young tekur sæti Brandon Williams og Marcos Rojo fer á bekkinn fyrir Andreas Perreira. Solskjær fer því úr 5-3-2 leikkerfinu yfir í 4-3-3 leikkerfið.

Solskjær var spurður út í breytingarnar fyrir leik. „Við vonumst til að búa til sambönd milli leikmanna, tengingar og skilning milli þeirra," sagði Solskjær við MUTV.

„Því meira sem menn spila saman þeim betur þekkjast þeir og það getur skipt miklu máli þegar allt er tekið saman."

„Við erum fullir sjálfstrausts, en við og leikmennirnir erum með það á hreinu að síðustu þrír leikir spilast ekki í dag. Nýr leikur þar sem við þurfum að hafa fyrir hlutunum."

Sjá einnig: Byrjunarlið B'mouth og Man Utd: Rashford og Harry Wilson byrja

Tweet

Senda a Facebook Hafdu samband Senda frétt Prenta frétt Frétta leit