Hinn 23 ára gamli Dembele hefur verið orðaður við Chelsea sem er ekki lengur í félagaskiptabanni.

Dembele hefur skorað tíu mörk í frönsku úrvalsdeildinni og verið einn af fáum ljósum punktum hjá Lyon, sem er í 12. sæti deildarinnar í Frakklandi.

Michy Batshuayi og Olivier Giroud gætu verið á förum frá Chelsea í janúar og því gæti félagið reynt að fá inn sóknarmann. Dembele þekkir vel til á Bretlandseyjum eftir að hafa áður fyrr leikið með Fulham og Celtic, en hann er ekki á förum núna.

Franska félagið sendi frá sér yfirlýsingu og í henni stóð: „L'OL vill ítreka sína ósk, eins og í sumarglugganum 2019, að halda Moussa Dembele."

Lyon vonast til að halda Dembele næstu árin.