Gauti Gautason var ósáttur með sína menn.
„Við vorum bara virkilega andlausir, þannig. Svo má bara hver og einn dæma fyrir sig, en það þarf bara að fara að stíga upp og gera betur í þessu. Svo allt í einu tökum við við okkur síðasta korterið, það er alltaf á síðustu stundu sem við ætlum að fara að gera eitthvað,'' sagði Gauti Gautason, fyrirliði Magna, eftir 0-2 tap gegn Leikni F. í Lengjudeild karla í kvöld.
Lestu um leikinn: Magni 0 - 2 Leiknir F.
Gauti og félagar hans í Magna voru ekki par sáttir með vítaspyrnudóminn sem féll Leiknismönnum í vil og kom þeim yfir í leiknum. Gauti vildi sem minnst tjá sig um hann.
„Bara ekkert. No comment bara.''
Uppleggið fyrir leik var að keyra á Leiknismenn frá fyrstu mínútu, segir Gauti. Annað var að sjá þar sem að Magnamenn voru næstbestir nær allan fyrri hálfleikinn.
„Ég veit ekki hvað þetta er í þessu liði. Við þurfum að fara að gíra okkur upp. Þrír leikir búnir og ekkert stig,'' sagði Gauti.
Viðtalið má sjá í heild sinni í spilaranum hér að ofan.
Athugasemdir
