„Fyrstu dagarnir hafa verið mjög góðir. Ég hef komið mér vel fyrir. Þetta er huggulegur bær, ég var fljótur að koma mér inn í liðið og mér líst vel á þetta," sagði Tryggvi Hrafn Haraldsson við Fótbolta.net en hann gekk á dögunum til liðs við Halmstad í Svíþjóð.
„Ég spilaði fyrst bikarleik og síðan kom ég inn á sem varamaður á móti Djurgarden. Það er gott að fá fyrstu mínúturnar strax."
Tryggvi fékk leyfi til að fara frá uppeldisfélagi sínu ÍA eftir að tilboð kom frá Norrköping."
„Það er búið að vera markmið og draumur lengi að komast í atvinnumennsku og ég held að þeir hafi ekki reynt að standa í vegi fyrir mig."
„Það ar leiðinlegt að kveðja í stöðunni sem við vorum í. Ég hafði og hef ennþá fulla trú á að við getum haldið okkur uppi en við vorum sammála um að þetta væri rétt skref."
Tryggvi er í U21 árs landsliðshópi Íslands fyrir leiinn gegn Albaníu í undankeppni EM. Liðin mætast á Víkingsvelli klukkan 17:00 á morgun.
„Mér líst mjög vel á þetta. Þetta er sterkur og mjög samheldinn hópur. Ég hef trú á að við getum gert góða hluti," sagði Tryggvi.
Athugasemdir
