Tveir síðustu leikirnir í A-deild Þjóðadeildarinnar fara fram í dag þegar fjórar af sterkustu fótboltaþjóðum heims mæta til leiks.
Úrslitakeppni Þjóðadeildarinnar fer fram í Þýskalandi og eiga heimamenn leik við Frakkland klukkan 13:00.
Liðin mætast í úrslitaleik um bronsverðlaun Þjóðadeildarinnar eftir að hafa tapað gegn Portúgal og Spáni í undanúrslitum.
Portúgal spilar við Spán klukkan 19:00 í spennandi Íberíuslag í kvöld.
Þessar þjóðir mættust síðast í Þjóaðdeildinni 2022 og hafði Spánn betur í það skiptið, en aðeins naumlega. Fyrir það mættust þjóðirnar í riðlakeppni HM 2018 í leik sem endaði í 3-3 jafntefli eftir þrennu frá Cristiano Ronaldo.
Leikir dagsins
13:00 Þýskaland - Frakkland
19:00 Portúgal - Spánn
Athugasemdir
