Claudio Ranieri
Cannavaro er óvænt á blaði ítalska sambandsins
Fabio Cannavaro, Claudio Ranieri og Stefano Pioli eru líklegastir til að taka við af Luciano Spalletti hjá ítalska landsliðinu. Athletic greinir frá.
Spalletti tilkynnti sjálfur að hann yrði rekinn á blaðamannafundi fyrir leikinn gegn Moldóvu.
Ítalska liðið tapaði fyrir Norðmönnum, 3-0, í fyrsta leiknum í undankeppni HM á dögunum og var Spalletti í kjölfarið tilkynnt að hann yrði látinn fara eftir verkefnið.
Athletic segir ítalska fótboltasambandið með þrjá kosti í forgangi. Það eru þeir Cannavaro, Pioli og Ranieri.
Ranieri hætti með Roma á dögunum þegar samningur hans rann út, enn hann hafði hugsað sér að hætta í þjálfun í annað sinn. Hann gæti þó átt erfitt með að hafna tækifærinu að stýra landsliðinu, eitthvað sem hann á enn eftir að afreka á farsælum ferli sínum.
Cannavaro er annað nafn á blaði. Hann stýrði síðast Dinamo Zagreb í Króatíu en var látinn fara. Stefano Pioli er annar kostur, en hann er sá eini sem er þegar í starfi.
Hann er þjálfari Al Nassr í Sádi-Arabíu og hefur áður náð frábærum árangri með AC Milan og Fiorentina.
Ranieri og Pioli eru líklega á undan Cannavaro í röðinni, sem hefur ekki jafn mikla reynslu eða náð jafn miklum árangri og hinir tveir á þjálfaraferlinum.
Athugasemdir
